Բաղադրությունը
սմբուկ - 2 հատ
հավի միս - 300 գ.
կանաչ պղպեղ - 2 հատ
լոլիկ - 2 հատ
սոխ - 1 հատ
պանիր - 100 գ.
համեմ
աղ, սև պղպեղ
բուսայուղ
Պատրաստման եղանակը
Սմբուկը կիսել 2 մասի, միջուկը գդալի կամ դանակի միջոցով հեռացնել, ապա տապակել
բուսայուղի մեջ: Հավի միսը կտրատել մանր կտորների, տապակել բուսայուղի մեջ: Սմբուկի
միջուկը մանր կտրատել և ավելացնել հավի մսին: Տապակել 5 րոպե: Ավելացնել մանր
կտրատած կանաչ պղպեղը և սոխը: Լոլիկի կեղևը հեռացնել, մանր կտրատել և տապակել
բանջարեղենի հետ: Երբ այս ամենը պատրաստ լինի, ավելացնել մանր կտրատած համեմը,
համեմել աղով և սև պղպեղով և խառնել: Սմբուկը լցոնել տապակած բանջարեղենով:
Պանիրը մանրացնել, լցնել սմբուկի վրա և դնել ջեռոցը:
